თბილისის "დინამოს" ვიცე-პრეზიდენტმა გიორგი ფიფიამ დღეს შვეიცარიის ქალაქ ნიონში დასრულებული კენჭისყრის შემდეგ ჟურნალისტებთან მეტოქე შეაფასა. შეგახსენებთ, რომ კენჭისყრის შედეგად, თბილისელთა მეტოქე ევროპის ლიგის პლეი ოფში ბერძნული პაოკ-ი იქნება.

"ძალიან მნიშვნელოვანი ორი მატჩი გველის წინ, რადგან ევროპის ლიგის ჯგუფურ ეტაპზე მოხვედრის ისტორიული შანსი  გვაქვს. ვეცდებით, შესაძლებლობების 100-ივე პროცენტი გამოვიყენოთ.

გუნდში კარგი განწყობაა, რადგან ევროპის ლიგასთან ახლოს ვართ. ვიცით, რომ მეტოქე რთულია და რომ რთული მატჩები გველის. 18 წლის წინ პაოკ-მა თბილისის "ლოკომოტივს" მოუგო, მაგრამ მას მერე ბევრი რამ შეიცვალა", - განაცხადა ფიფიამ.

ევროპალიგის პლეი ოფის პირველი მატჩები 18 აგვისტოს გაიმართება, ხოლო საპასუხოები - 25 აგვისტოს. პირველ შეხვედრას "დინამო" შინ ჩაატარებს.

http://www.sportall.ge/fexburti/qarthuli-fekhburthi/skhvadaskhva/94968-qdinamosq-vice-prezidenti-jgufur-etapze-mokhvedris-istoriuli-shansi-gvaqvs.html