ასტანაში დასრულდა საერთაშორისო ტრადიციული ტურნირის- პრეზიდენტის თასის გათამაშება. საქართველოს 17 წლამდელთა ნაკრებმა მესამე ადგილზე დაასრულა ტურნირი. საპრიზო ადგილისთვის შეხვედრაში ჭაბუკმა ჯვარისნებმა მასპინძელთა ნაკრებს 8:1 აჯობა. გოჩა ავსაჯანიშვილის შეგირდებმა მანამდე რუსეთის ნაკრებს მოუგეს 2:0, შემდეგ ბელარუსი დაამარცხეს 2:1, ფინალში გასასვლელ შეხვედრაში კი ვერ აჯობეს აზერბაიჯანს 0:0. საბოლოოდ ტურნირის გამარჯვებული ესპანეთის ჭაბუკთა ნაკრები გახდა. ჭაბუკ ჯვაროსანთა შემადფენლობაში მთელი ტურნირის მანძილზე ასპარეზობდა 7 დინამოელი ფეხბურთელი: გუგეშაშვილმი, ქაფიანიძე, ნინუა, ჩაკვეტაძე, ხარაბაძე, ლურსმანაშვილი და კიკალიშვილი.