ვიტალი დარასელიას სახელობის დინამო თბილისის საფეხბურთო აკადემიის 17 წლამდელთა გუნდმა, რომლის მთავარი მწვრთნელიც ვლადიმერ გოჩაშვილი გახლავთ, მორიგი ვარჯიში გამართა. დინამოელებმა ელიტ ლიგის პირველი წრე წარმატებულად დაასრულეს. 17 ჩატარებული მატჩიდან დედაქალაქელებმა 14 დაპირისპირებაში გამარჯვება მოიპოვეს, ერთხელ ფრედ ითამაშეს და ორ მატჩში დამარცხდნენ. გატანილი და გაშვებული ბურთების ბალანსი 64/9. 43 ქულა და პირველი ადგილი სატურნირო ცხრილში. დინამო TV ჭაბუკი დინამოელების ვარჯიშს დაესწრო და გუნდის მთავარ მწვრთნელსა და კაპიტანს გაესაუბრა.