ვიტალი დარასელიას სახელობის დინამო თბილისის საფეხბურთო აკადემიის 2006 წელს დაბადებულ ბავშვთა გუნდმა, რომლის მთავარი მწვრთნელიც სოსო ჭიკაძე გახლავთ, მორიგი ვარჯიში გამართა. დინამოელებმა ელიტ ლიგის პირველი წრე დაასრულეს. 11 ჩატარებული მატჩიდან დედაქალაქელებმა 7 გამარჯვება მოიპოვეს სამჯერ ფრედ ითამაშეს და ერთხელ დამარცხდნენ. გატანილი და გაშვებული ბურთების ბალანსი 50/12. 24 ქულა და მეოთხე ადგილი სატურნირო ცხრილში. დინამო TV პატარა დინამოელების ვარჯიშს დაესწრო და გუნდის მთავარ მწვრთნელს გაესაუბრა.