წარმატებული სტარტისა და დაგროვილი ქულების შემდეგ პირველი მარცხი განიცადეს დინამოს მეორე შემადგენლობამ და 19 წლამდე გუნდმა.
საგარეჯოს ცენტრალურ სტადიონზე ვალერი გაგუას გუნდს გარეჯმა უმასპინძლა და 3-0 აჯობა დინამოს. მასპინძლები ლევან პაპავას ადრეული გოლით დაწინაურდნენ და მთელი შეხვედრა მინიმალური ანგარიშით მიჰყავდათ. დედაქალაქელებს რამდენჯერმე შეეძლოთ ანგარიშის გათანაბრება, საბოლოოდ კი 90-ე და მსაჯის მიერ კომპენსირებულ წუთებზე ბადრი გოგობერიშვილმა და ვალერი ოლხოვმა გაიტანეს გოლები და შეხვედრაც მასპინძლეთა სასარგებლოდ დასრულდა. მომდევნო შეხვედრას დინამოელები 6 აპრილს აკადემიის მოედანზე გამართავენ და სპაერს უმასპინძლებენ.
მატჩის ოქმი
19 წლამდე ლიგაში დედაქალაქური დერბი გაიმართა, რომელშიც დინამომ ლოკომოტივი მიიღო. მატჩი სტუმრებმა 2-1 მოიგეს. თურქიას და სანაიას გოლებს დინამომ ნაჭყებიას გოლით უპასუხა. ვასილ გეგუჩაძის გუნდი 6 აპრილს ბათუმში, ადგილობრივ დინამოს შეხვდება.
დინამო: საური, პატარკაციშვილი, შაშიაშვილი, ქელდიშვილი, ხუციშვილი, ბურდიაშვილი, საჯაია, ელისაშვილი, ნაჭყებია, ტკალია, ოდიკაძე
სათადარიგო სკამი: გლუნჩაძე, დანელია, ჩიქოვანი, კაპანაძე, ჩხარტიშვილი, ქართველიშვილი, დიაკონიძე