• Geo
  • Eng
21.02.2022
დინამო 2-მა შეკრებაზე მეორე მატჩი დიდი ანგარიშით მოიგო
დინამო თბილისის მეორე შემადგენლობა ახალი სეზონისთვის მზადებას ბელეკში განაგრძობს. დინამოელებმა დონეცკის შახტართან ამხანაგურ შეხვედრაში გამარჯვების შემდეგ, მეორე სპარინგ მატჩი გამართეს. ვლადიმერ კაკაშვილის გუნდმა ამჯერად ტულის არსენალის მეორე გუნდი დაამარცხა ანგარიშით - 4-0.
 
თბილისელებმა სათამაშო უპირატესობა მატჩის დებიუტშივე მოიპოვეს. ზუკა ერაძემ ანგარიში მე-4 წუთზე ნიკა სიხარულაშვილის გადაცემით გახსნა. შეხვედრის 21-ე წუთზე უკვე თავად ერაძემ ჩაიწერა საგოლე გადაცემა, შედეგიანი დარტყმა კი ოთარ აფციაურის ანგარიშზეა. პირველი ტაიმის ბოლოს დემე ჭითაშვილმა ნიკა სიხარულაშვილის გადაცემით ისარგებლა და ანგარიშს სოლიდური სახე მისცა 3-0. მეორე ტაიმი ორიოდე წუთის დაწყებული გახლდათ რა დროსაც ფირუზ გაბიტაშვილმა მატჩის საბოლოო შედეგი 4-0 დააფიქსირა, საგოლე გადაცემა კი ბადრი გოგობერიშვილმა მიიწერა.
 
დინამოელები მესამე შეხვედრას 23 თებერვალს მოსკოვის დინამოს მეორე გუნდთან გამართავენ, ხოლო 26 თებერვალს მოსკოვის ცსკა-ს მეორე გუნდთან ითამაშებენ.
 
 
დინამო 2  4-0  არსენალი ტულა
 
დინამო 2: კუტალაძე, ჟივიძე, უგრეხელიძე, ერაძე, გაბიტაშვილი, ოსიყმაშვილი, ჭითაშვილი, აფციაური, გოგობერიშვილი, სიხარულაშვილი, ქოჩაკიძე
 
სათადარიგო სკამი: იობაშვილი, იაკობიძე, უბილავა, ფაჩულია, გოგოტიშვილი, მირზიკაშვილი, ოდიშარია
FC Dinamo Tbilisi © All rights reserved 2012 - 2022