საქართველოს 17 წლამდე ნაკრებმა მინსკის ტურნირზე გამოსვლის შემდეგ, მონტენეგროში გადაინაცვლა და პოდგორიცაში ადგილობრივ თანატოლთა ნაკრებთან ორი საერთაშორისო ამხანაგური მატჩიც გამართა.
15 თებერვალს 17-წლამდელებმა მასპინძლები, გიორგი პარკინაშვილის გოლით 1-0 დაამარცხეს, დღეს კი ამ გუნდების შეხვედრა ფრედ 2-2 დასრულდა. ანგარიში დინამოელმა ლაშა გადილიამ გახსნა, საბოლოო შედეგი კი გიორგი ტაბატაძემ დააფიქსირა. ორივე შემთხვევაში საგოლე გადაცემები დინამოელებმა - გიორგი რობაქიძემ (მოგებულ მატჩშიც საგოლე გადაცემა რობაქიძემ შეასრულა) და აკაკი გიუნაშვილმა ჩაიწერეს აქტივში.
გიორგი ჩიტაურის გუნდი 6 და 8 მარტს კიდევ ორ ამხანაგურ შეხვედრას მალტის წინააღმდეგ გამართავს.
შეგახსენებთ, რომ 17 წლამდე ნაკრებში 9 დინამოელმა იასპარეზა:
მცველები: საბა ხარჩილავა, აკაკი გიუნაშვილი
ნახევარმცველები: თენგო ალიბეგაშვილი, გაბრიელ სიგუა, ლაშა გადილია, ამინ კარაევი, ლუკა პარკაძე, დავით გოგიჩაიშვილი, გიორგი რობაქიძე
U17 | მარტის განრიგი
6 მარტი | საქართველო - მალტა | ამხანაგური
8 მარტი | საქართველო - მალტა | ამხანაგური
23 მარტი | გერმანია - საქართველო | ელიტ რაუნდი
26 მარტი | ჩეხეთი - საქართველო | ელიტ რაუნდი
29 მარტი | საქართველო - შოტლანდია | ელიტ რაუნდი
ფოტო (c) fscg.me