12.10.2019
11 წლამდე დინამოელები ატეიტის თასზე

ლიეტუვაში წელს ატეიტის თასის საიუბილეო გათამაშება ტარდება. ტურნირი მოგეხსენებათ რამდენიმე ასაკობრივ კატეგორიაში იმართება და წელს დინამოელები 5 გუნდით წარდგებიან ვილნიუსში. პირველი ბალტიისპირეთში ზურა ელიავას გუნდი გაემგზავრა. დინამოელებმა ჯგუფში 4 მატჩი გამართეს და ოთხივეში გოლგაუშვებლად იმარჯვეს. სასტარტო შეხვედრაში თბილისელებმა ადგილობრივი ტფა ბლუ 4:0 დაამარცხეს. ბართიშვილმა ორი გოლი გაუტანა მეტოქეს, ხოლო თითო ზუსტი დარტყმა კაკაშვილის და ციკოლიას ანგარიშზეა. მეორე მატჩში დინამომ ხარებაშვილის და შათირიშვილის გოლებით მინსკის დინამოს მოუგო 2:0. მესამე მატჩში ჩვენს გუნდს წინააღმდეგობას პეტერბურგის ენჯელბოლი უწევდა. ადუაშვილის, ხარებაშვილის, ბენდელიანის და ლომაძის გოლებით დინამომ 4:0 მოიგო. ჯგუფში ბოლო მატჩი თბილისელებმა ასევე 4:0 დაასრულეს, ელიავას გუნდმა ამჯერად უჟგოროდის ჩაიკას აჯობა. ორი გოლი ბართიშვილმა გაიტანა, თითოც ბენდელიანის და ადუაშვილის ანგარიშზეა. დინამოელებმა ჯგუფში პირველი ადგილი დაიკავეს და საღამოს ¼ ფინალში ანტალიასფორს შეხვდებიან. ტურნირში პირველად იღებს მონაწილეობას მარტვილის დინამო, რომელმაც ტფა იელოუსთან 0:1 დათმო მატჩი, 1:2 დამარცხდნენ მარტვილელები ბირმინჰემთან, 1:0 აჯობეს შიაულიას და ფრედ 1:1 დაცილდნენ კალინინგრადის ბალტიკას.

ზურა ელიავას გუნდი ვილნიუსში შემდეგი შემადგენლობით იმყოფება: ირაკლი ერიაშვილი, გიორგი ბაშარული, თორნიკე შუბითიძე, საბა ხარებაშვილი, ლუკა ციკოლია, გიორგი ლომიძე, ნიკა შათირიშვილი, ნიკა ადუაშვილი, ანდრია ბართიშვილი, კობა კაკაშვილი, ნიკა ბენდელიანი, შოთიკო დიაკონიძე, გიორგი ჯანელიძე და ცოტნე ხარებავა.

FC Dinamo Tbilisi © All rights reserved 2012 - 2019