25 და 27 მარტს საქართველოს 19 წლამდელთა ნაკრები ორ ამხანაგურ შეხვედრას ჩაატარებს. ახალგაზრდა ჯვაროსნები ორივე შემთხვევაში რუსეთის 19 წლამდელთა ნაკრებს გაეჯიბრებიან, მატჩები კი მიხეილ მესხის სახელობის სტადიონზე გაიმართება და 16.00 საათზე დაიწყება. გიორგი ყიფიანმა რუსეთის წინააღმდეგ შერჩეულ კრებულში 6 დინამოელი გამოიძახა. გიორგი მამარდაშვილი, დავით კობოური, ლუკა ქაფიანიძე, ნიკა ნინუა, გიორგი კუცია და ბექა ქავთარაძე სხვებთან ერთად მოემზადებიან აღნიშნული მატჩებისთვის.