საქართველოს 16 წლამდელთა ნაკრები უკრაინაში დასრულებული ვიქტორ ბანნიკოვის მემორიალური ტურნირის გამარჯვებული გახდა. დღეს ფინალში ჭაბუკმა ჯვაროსნებმა ისრაელის ნაკრები დაამარცხეს. ფინალის ძირითადი დრო 2:2 დასრულდა, პენალტების სერიაში კი ჯვაროსნებმა 4:2 იმარჯვეს. გურამ ასპინძელაშვილს ნაკრების შემადგენლობაში რვა დინამოელი (დიმიტრი ბულისკერია, საბა გაბედავა, ანზორ მექვაბიშვილი, თამაზ ბაბუნაძე, არჩილ ბასარია, ბექა დარცმელია, ლევან ხარაბაძე და ზუკა დავითაშვილი) ჰყავდა გამოძახებული. ფინალამდე ჭაბუკთა ნაკრებმა ფრედ 0:0 ითამაშა ჩეხეთთან. 1:0 აჯობა ლატვიას და 4:0 მოლდოვას, რომელსაც სამი გოლი დინამოელებმა- დარცმელიამ, დავითაშვილმა და ბაბუნაძემ გაუტანეს. ფინალში კი მექვაბიშვილმა გამოიჩინა თავი. ტურნირის საუკეთესო მეკარის პრიზი დინამოელმა- დიმიტრი ბულისკერიამ მოიპოვა.