საქართველოს 19 წლამდე ჩემპიონატში დინამოელებმა, მე-13 ტურის მატჩში უშუალო კონკურენტ იბერიას უმასპინძლეს. უხვგოლიანი შეხვედრა საბოლოოდ ფრედ 3-3 დასრულდა. გოლები იბერიელთა კარში ლუკა შაშიაშვილმა, ლევან ნაჭყებიამ და იუსიბ მეხტიევმა გაიტანეს. ყაიმის შემდეგ ორივე გუნდმა 27-27 ქულა დააგროვა, დინამოელები კი უკეთესი ბურთების სხვაობით პირველ ადგილზე იმყოფებიან და ლოკომოტივის ბათუმში გასვლითი შეხვედრის ანგარიშს დაელოდებიან. მომდევნო შეხვდრას ვასილ გეგუჩაძის გუნდი 8 ივნისს საგურამოში, ასევე უშუალო კონკურენტ ლოკომოტივთან ჩაატარებს.
U19 დინამო: საური, სადღობელაშვილი, შაშიაშვილი, ხუციშვილი, ოდიკაძე, ტკალია, ფეიქრიშვილი, მაშავა, ჩიქოვანი, მეხტიევი
სათადარიგო სკამი: ღაღვაშვილი, დიაკონიძე, ბურდიაშვილი, საჯაია, ქართველიშვილი, ელისაშვილი, დანელია, ნაჭყებია, კაპანაძე
დინამო-2 სართიჭალას ესტუმრა და ლიგა 2-ის მე-16 ტურში არაგვს დაუპირისპირდა. ეს შეხვედრაც უხვგოლიანი გამოდგა, თუმცა საბოლოოდ 2-3 დედაქალაქელთა მარცხით დასრულდა. ანგარიში მასპინძლებმა პირველი ტაიმის ბოლოს თენგიზ ბრეგვაძის ზუსტი დარტყმულით გახსნეს. გიორგი გვიშიანმა მეორე ტაიმის დებიუტშივე უპასუხა შედეგიანი დარტყმით 1-1. მატჩის 61-ე წუთზე გიორგი ვასაძემ ისევ მასპინძლები გაიყვანა წინ, რასაც 77-ე წუთზე დავით გოცირიძის გოლი მოჰყვა და სხვაობა ისევ აღდგა. თენგიზ ბრეგვაძემ ორიოდე წუთში დუბლი შეასრულა და საბოლოო ანგარიში 3-2 დააფიქსირა. დინამო 27 ქულით სატურნირო ცხრილში მე-3 ადგილზე დარჩა და პირველადგილოსან რუსთავს ერთი გამარჯვებით ჩამორჩება. ვალერი გაგუას გუნდი მომდევნო მატჩს, უკვე საზაფხულო პაუზის შემდეგ 31 ივლისს, ასევე სართიჭალაში, ადგილობრივ შტურმთან ჩაატარებს.
მატჩის ოქმი და ფოტოამბავი