მოგეხსენებათ 25 აგვისტოს დინამოს სტადიონი 49 წლიანი იჯარით დინამოს გადაეცა. დღეიდან იწყება ინტენსიური სამუშაოები. სერიოზული ინვესტიციები მოხმარდება სტადიონის რეაბილიტაციის და რეკონსტრუქციის საქმეს, რომლის დასრულების შემდეგაც დინამო არენა უკვე სრულად დააკმაყოფილებს საერთაშორისო სტანდარტებს. უპირველესი ამოცანა მოედნის საფარის შეცვლაა, რომელიც კატასტროფულ მდგომარეობაში იმყოფება. თვენახევარში დაიგება და ექსპლუატაციაში შევა უმაღლესი ხარისხის საფარი. სრულად შეიცვლება სტადიონის განათება, სავარაუდოდ უკვე 16 ოქტომბრისთვის ჩვენი გუნდი საქართველოს ჩემპიონატის შეხვედრაში რუსთავის მეტალურგს განახლებულ დინამო არენაზე მიიღებს.