06.12.2017
დინამოელთა გოლები ბელარუსთა კარში

თბილისში 15 წლამდე ნაკრებთა შორის საერთაშორისო ოთხთა ტურნირი მიმდინარეობს. საქართველოს ჭაბუკთა ნაკრებმა მეორე მატჩი ჩაატარა, რომელშიც ბელარუსს შეხვდა და 2:1 დაამარცხა მეტოქე. დაწინაურებულ სლავებს გოლები ნიკა სიხარულაშვილმა და გიორგი აბუაშვილმა გაუტანეს. შეგახსენებთ, რომ პირველ შეხვედრაში ჩვენმა ნაკრებმა ლიტვას 6:0 აჯობა. გოლის ავტორთა გარდა ბელარუსის წიააღმდეგ გიორგი ჩიტაურმა კიდევ ოთხი დინამოელი - გაგნიძე, გოგოტიშვილი, ხვადაგიანი და ჩხეტიანი ათამაშა. მომდევნო, გადამწყვეტ მატჩს საქართველოს ნაკრები 8 დეკემბერს თურქეთთან გამართავს.

18 წლამდე ჯვაროსნებმა მინსკში, ადგილობრივ ნაკრებთან მეორე მატჩი ითამაშეს და ისევ ყაიმით დაცილდნენ ოპონენტს, თუმცა პირველი მატჩისგან განსხვავებით მეტოქეებმა ერთმანეთს 4-4 გოლი გაუტანეს. პირველი ორი გოლი მასპინძლებს დინამოელებმა ბექა ხარშილაძემ და ზუკა დავითაშვილმა გაუტანეს. მათ გარდა კი გიორგი მიქაძემ დინამოდან ბულისკერიას, გაბიტაშვილს, დარცმელიას, კვარაცხელიას, ხარაბაძეს და გაბელაიას მისცა თამაშის საშუალება.

FC Dinamo Tbilisi © All rights reserved 2012 - 2017