ათენის აეკ-თან ევროპის ფლეი-ოფის შეხვედრების წინ, დინამოელებს პირველი კომენტარები ვთხოვეთ.
ალექსანდრე კოშკაძე – როგორი წარმატებითაც დავიწყეთ ევროსარბიელზე თამაში, ისევ უნდა დავასრულოთ და აუცილებლად მოვხვდეთ ჯგუფში. ჯგუფური ეტაპით უნდა დავაგვირგვინოთ გამოსვლა. უკვე დროა დინამომ ევროპაში თავისი სათქმელი თქვას. ჩვენ შეგვიძლია მეტოქის დამარცხება. თითოეული ფეხბურთელი ფიქრობს გასვლაზე და არა მარტო თამაშზე.
გიორგი ლორია – როგორც ვიცი ბერძნებს კარგი შემსრულებლები ჰყავთ, იგიცე გუდიონსენი, დიოპი და სხვები. სერიოზული მოწინააღმდეგე გვყავს და კარგი თამაშები გველის. უეფაზე ყველაზე მეტი ბურთი გავიტანეთ, ყველასთან შეგვიძლია თამაში და გამარჯვება. ჩვენ არავისი გვეშინია და ჯგუფში მოხვედრის შანსებიც არის.
ნიკა კვეკევესკირი – უფრო ძლიერი მეტოქეც შეიძლება შეგვხვედროდა და შედარებით სუსტიც. რთული თამაშები გველის. დინამო ყოველთვის ბოლომდე იბრძოლებს და ჩვენს გულშემატკივრებთან ერთად იმედია შევძლებთ ჯგუფში გამოსვლის უფლების მოპოვებას.