დღეს დილით დინამოელებმა დიღმის საწვრთნელ ბაზაზე ივარჯიშეს, შემდეგ ისადილეს და ანაკლიაში გაემგზავრნენ. ანაკლიიდან გუნდი ხვალ გეზს ზუგდიდისკენ აიღებს, სადაც საქართველოს ჩემპიონატის მეორე ეტაპის, პირველი წრის ბოლო ტურის შეხვედრაში ბაიას დაუპირისპირდება. სამწუხაროდ, ოპტიმალური შემადგენლობით ჩვენი გუნდი ვერც ამჯერად იასპარეზებს. სხვადასხვა სიმძიმის ტრავმების გამო დინამოს რამდენიმე წამყვანი მოთამაშე დააკლდება. სასიამოვნოა, რომ იძულებითი პაუზის შემდეგ გუნდს- ჩისკო დაუბრუნდა.