მურთაზ ხურცილავა - 82
დინამო თბილისის ყველა დროის ერთ-ერთ საუკეთესო მცველს - მურთაზ ხურცილავას დღეს 82 წელი შეუსრულდა. მურთაზ ხურცილავა 15 წლის (1961-1975 წლები) მანძილზე იცავდა ლურჯ-თეთრი გუნდის ღირსებას. ჩაატარა 371 მატჩი და მეტოქეთა კარში გაიტანა 21 გოლი. სსრკ- ს ჩემპიონატების 5 გზის მესამე პრიზიორი 1962, 1967, 1969, 1971 და 1972 წლებში. 10- ჯერ იქნა დასახელებული 33 საუკეთესო ფეხბურთელთა შორის. სპორტის დამსახურებული ოსტატი. ვახტანგ გორგასლის ორდენის კავალერი. იყო ჩვენი გუნდის და საბჭოთა კავშირის ნაკრების კაპიტანი. სსრკ–ს ნაკრებში ჩაატარა 70 მატჩი და გაიტანა 7 გოლი. მსოფლიო ჩემპიონატის ნახევარფინალისტი და ორგზის მონაწილე 1966 და 1970 წლებში, ევროპის 1972 წლის პირველობის ფინალისტი, მიუნხენის ოლიმპიური თამაშების ბრინჯაოს მედლის მფლობელი 1972 წელს. დინამო თბილისის მთვარი მწვრთნელი 1998–1999 წლებში. დინამოელები ვულოცავთ მურთაზ ხურცილავას 82 წლის იუბილეს. ჯანმრთელობას, დღეგრძელობას და ყოველივე საუკეთესოს ვუსურვებთ მას.
გრიგოლ ცაავა – 63
დღეს გრიგოლ ცაავა 63 წლის გახდა. გრიშა 17 წლის ასაკში მოხვდა დინამოში და ჩვენი ქვეყნის უპირველეს გუნდში 10 სეზონი გაატარა. იგი დინამოს ყველაზე პერსპექტიულ და იმედისმომცემ ფეხბურთელად ითვლებოდა. მას შეუდარებელი დავით ყიფიანის შემდეგ, ერგო პატივი ჩვენი გუნდის ათნომრიანი მაისური ემოსა. 1979-1990 წლებში ცაავამ დინამოს შემადგენლობაში 182 შეხვედრა ჩაატარა და 33 გოლი გაიტანა. 1982 წელს შედიოდა 33 საუკეთესო ფეხბურთელთა სიაში. არის საქართველოს პირველი ეროვნული ჩემპიონატის გამარჯვებული. ამჟამად თბილისის ფეხბურთის ფედერაციის პრეზიდენტია. დინამოელები ვულოცავთ ჩვენს ვეტერანს დაბადების დღეს, ჯანმრთელობას და ბედნიერებას ვუსურვებთ მას.
(1).png)
ლევან ნოდია - 76
ჩვენი კლუბის ვეტერანი ფეხბურთელი - ლევან ნოდია იუბილარია, მას დღეს 76 წელი შეუსრულდა. ლევან ნოდია დინამოში 1968-დან 1975 წლამდე თამაშობდა. ლურჯ-თეთრი გუნდის შემადგენლობაში ჩაატარა 114 მატჩი და გაიტანა 13 გოლი. არის სსრკ-ს ჩემპიონატის სამგზის ბრინჯაოს მედლების მფლობელი 1969, 1971, 1972 წლებში. დინამოელები ვულოცავთ ლევან ნოდიას დაბადების დღეს, ჯანმრთელობას და ბედნიერებას ვუსურვებთ მას.
(1).png)