ჩვენი გუნდის ლეგენდარულ მეკარეს - ოთარ გაბელიას დღეს 70 წელი შეუსრულდა. ოთარ გაბელია დინამოს ღირსებას 10 წლის მანძილზე იცავდა (1977-1982 და 1985-1989 წლებში). ჩვენი გუნდის ყველაზე წარმატებული პერიოდის ერთ-ერთი მთავარი მონაწილე. 1981 წლის თასების მფლობელთა თასის მფლობელი, 1978 წლის საბჭოთა კავშირის ჩემპიონი და 1979 წლის ბროლის თასის მფლობელი. პირველობის ვერცხლისა და ბრინჯაოს მედალოსანი. 1979 წლის სპარტაკიადის ფინალისტი და საბჭოთა კავშირის 1979 წლის საუკეთესო მეკარე. ოთარ გაბელიამ დინამოს კარის მშრალად შენახვა 131-ჯერ შეძლო. ვულოცავთ ოთარ გაბელიას იუბილეს. დინამოელები მას ჯანმრთელობას და ბედნიერებას ვუსურვებთ.