სიახლეები

ჭაბუკთა ლიგაში მეხუთე ტურის შეხვედრები ჩაატარეს დინამოს აკადემიის გუნდებმა. თბილისელები კახეთში ჰერეთს დაუპირისპირდნენ და ორივე შეხვედრაში გამარჯვება მოიპოვეს. დინამოს 15 წლამდელთა შემადგენლობამ დიდი უპირატესობით აჯობა მასპინძლებს და არასაფეხბურთო ანგარიშით 14:0 დაამარცხა ჰერეთი. იაკობიძემ პოკერი შეასრულა, ჯანგველაძემ ჰეთ თრიქი, მოისწრაფიშვილმა დუბლი, თითო გოლი კი ჩარკვიანმა, აზაროვმა, ლომთაძემ, ფაცურიამ და ჭავჭანიძემ გაიტანეს. ვლადიმერ გოჩაშვილის გუნდი 5 ჩატარებული მატჩიდან მოპოვებული 5 გამარჯვებით და ბურთების შეფარდებით 37/2 სატურნირო ცხრილში ლიდერობს. შედარებით მოკრძალებული ანგარიშით - 3:0 იმარჯვეს 17 წლამდელებმაც. ვლადიმერ კაკაშვილის შეგირდები მთელი შეხვედრის მანძილზე დიდ უპირატესობას ფლობდნენ. გოლები კი ჯიჭონაიას, უგრეხელიძის და ლურსმანაშვილის ანგარიშზეა. 17 წლამდე დინამოელები 4 ჩატარებული მატჩიდან დაგროვილი 9 ქულით გათამაშების ცხრილში პირველ ადგილზე არიან.

U15 ჰერეთი 0:14 დინამო

U15 დინამო: კუტალაძე, თუდები, ჭავჭანიძე, ჯანგიძე, ქველაძე, მაღალდაძე, ჩარკვიანი, ლომთაძე, იაკობიძე, მოისწრაფიშვილი, აზაროვი

შეცვლაზე შევიდნენ: გოდერძიშვილი, ფაცურია, წაქაძე, ისმაილი, ჯანგველაძე

U17 ჰერეთი 0:3 დინამო

U17 დინამო: თვალოძე, გაბელაია, დიდებაშვილი, ძოწენიძე, გაბიტაშვილი, ლურსმანაშვილი, ჩიქოვანი, გულდედავა, ხარშილაძე, უგრეხელიძე, ჯიჭონაია

შეცვლაზე შევიდნენ: ცერცვაძე, ლომიძე, ობოლაძე, სილაგაძე