მიხეილ მესხის სახელობის სტადიონზე საქართველოს 17 წლამდელთა ნაკრებმა გოჩა ტყებუჩავას თავკაცობით, დანიელ თანატოლებს უმასპინძლა. პირველი ამხანაგური მატჩი, რომელიც 26 აგვისტოს გაიმართა სტუმრების გამარჯვებით, მინიმალური ანგარიშით 1:0 დასრულდა. გუშინდელ შეხვედრაში კი საქართველოს ნაკრებმა რევანში აიღო და დანიელები დიდი ანგარიშით- 4:1 დაამარცხა. აღნიშნულ შეხვედრაში ექვსმა დინამოელმა მიიღო მონაწილეობა. ლევან ისიანმა, ნიკა ყურშავიშვილმა (ნაკრების კაპიტანი), ლუკა ლოჩოშვილმა და აკაკი ყურაშვილმა ბოლომდე ჩაატარეს თამაში. ნიკა ბუღრიძე 70- ე წუთამდე იყო მოედანზე. ლუკა ჯამარაული კი 69- ე წუთიდან ჩაერთო მატჩში.