ერევანში მიმდინარე უეფას განვითარების თასზე საქართველოს 15 წლამდე ნაკრებმა პირველი მატჩი ლიბანთან გამართა და მეტოქე ანგარიშით 3-1 დაამარცხა. სამივე გოლი დინამოელთა ანგარიშზეა. მატჩის 35-ე და 39-ე წუთებზე დუბლი რეზი დანელიამ შეასრულა, ხოლო საბოლოო ანგარიში მეორე ტაიმის დებიუტში ლუკა წულაიამ დააფიქსირა. მანამდე ჩარბელ ასაფიმ ერთი გოლი გაქვითა.
გიორგი ჩიტაურის გუნდი, მომდევნო მატჩს, 10 მაისს მოლდოვის წინააღმდეგ გამართავს.
10 მაისი | მოლდოვა - საქართველო
12 მაისი | სომხეთი - საქართველო