საქართველოს 19 წლამდე ნაკრებმა ნორვეგიის ქალაქ ლარვიკში ევროპის ჩემპიონატის საკვალიფიკაციო ეტაპის პირველი მატჩი უელსთან გამართა და გატანილი გოლების გარეშე 0-0 დაცილდა მეტოქეს. შეხვედრაში მონაწილეობა ხუთმა დინამოელმა - თორნიკე დუნდუამ, ლუკა სალუქვაძემ, მუხრან ბაგრატიონმა, ნიკა ცხოვრებაშვილმა და ნიკა სიხარულაშვილმა მიიღო.
მომდევნო მატჩს ჭაბუკი ჯვაროსნები 9 ოქტომბერს კოსოვოსთან გამართავენ, რომელიც თავის მხრივ მასპინძელთა ნაკრებთან 0-3 დამარცხდა.